يحدث فى جنوب الصعيد:” دخلت مستشفى قنا لإجراء عملية فتاق، خرجت مشلولة وبدون زايدة وفتح متعفن فى البطن” 

مشاهدة
أخر تحديث : السبت 5 أغسطس 2017 - 4:13 صباحًا
يحدث فى جنوب الصعيد:” دخلت مستشفى قنا لإجراء عملية فتاق، خرجت مشلولة وبدون زايدة وفتح متعفن فى البطن” 

على شاكر

نشرت صفحة أبناء أبو تشت لمستقبل أفضل على موقع التواصل الإجتماعى حالة سيدة تستغيث بعد فشل عملية الفتاق التى أجرتها فى مستشفى قنا الجامعى – حسبما نشرت الصفحة- على الفور تواصلت جريدة سفراء بمسؤل الصفحة  وأهل الحالة وتبين حقيقة الأمر ، ونترك لمستشفى قنا حق الرد.

ووفقا للمصداقية الخبر تنشر سفراء ما تم نشره على الصفحة (أبناء أبو تشت لمستقبل أفضل) بالنص:” أمي عندها فتاق من سنين خايفة تعمل العملية المهم ودناها للدكتور 《….》 وقال مصاريف العملية مبلغ كبير وهما مش معاهم المبلغ ده بدأ الفتاق يعمل اختناق وألم شديد ابويا وداها للدكتور محمد الشيمي بسطلهم العملية وقالهم هعملها من غير فلوس التحاليل بس تتعمل في مستشفى الجامعة عملنا التحاليل اللازمة واتحددت العملية وعملتها وخدت وقت 4 ساعات تقريباً قعدت كام يوم بعد العملية وبعدها جات البيت كنا بغير على العملية صبح وليل مع العلاج والغذاء طبعاً وفي يوم منعت الأكل والحمامات ودناها للدكتور الشيمي العيادة الخاصه . واغمى عليها عنده وفوقها وقال لازم تدخل المستشفى تاني عندها احتباس في البول والحاله خطر . دخلت المستشفى وعمل كنسلتو عليها ما رضيوش يقولولنا أي حاجة تطمنا يكتبون علاج واحنا نجيب ويغيرو على الجرح وفي يوم بعتوا دكتور يفك الغرز يدوب قص أول غرزة مصارينها طلعت واتفتح الجرح لوحده كما في الصور .. اتصلو بالشيمي اللي قال تدخل عمليات فورا علشان يغطوا علي بلاويهم . واهمالهم دخلت العمليات بالفعل شالو الشبكة اللي ركبوها في العملية الأولى وشالو الزايدة والله أعلم عملو فيها أية تاني . و منعونا نحضر الغيار علشان مانشوفش بشاعة الجرح والخراطيم اللي خيطو بيها . بدأت حالتها تسوء تاني وكان داخل العيد راحو مطلعين كل عنبر الجراحة علشان يعيدو عيد الفطر . قولنالهم المستشفيات ما لهاش إجازة قالو لا تطلعو وغيرولها في البيت وبعد العيد هاتوتها المستشفى اللي عند المعبر . نقلها إستحالة بحالتها دي روحت جيب عربية الإسعاف واتصلت بالدكتور وجدي تواضروس حكيتله قالي هاتيها اشوفها وكملنا معاه . الدكتور وجدي تواضرس انتقض الخراطيم في الخياطة . وقالي مش بنخيط بيها إلا في عملية الاستكشاف علشان تلم البطن وخراطيم أرفع من دي كمان كما في الصور . وقالي اعتبري عندها فتاق تاني من ساعة ما شالولها الشبكة وفعلا البطن بتكبر . والله بتحبي زي الأطفال علشان تروح الحمام . واهي منتظر قضاها بسبب مستشفى الجامعة وجراحينها واهمالهم . والشهاهد علي كل كلامي الدكتور وجدي تواضروس واحنا مش عارفين ناخد حقنا ازاي …؟ ممكن يا أدمن تنشر وتساعدنا “.

وتناشد جريدة سفراء كل المسؤلين فى مصر بسرعة إنقاذ السيدة ومحاسبة المتسببين فى تدهور حالتها.

20645859_1759269410768031_1269010314_n

20624655_1759269427434696_344806284_n

20631568_1759269420768030_997146203_n

20631568_1759269420768030_997146203_n (1)

20643735_1759269447434694_1468858380_n

20631432_1759269404101365_988141172_n

20645629_1759296584098647_1850925078_n (1)

رابط مختصر

اتـرك تـعـلـيـق 0 تـعـلـيـقـات

* الإسم
* البريد الألكتروني
* حقل مطلوب

البريد الالكتروني لن يتم نشره في الموقع

شروط النشر:

عدم الإساءة للكاتب أو للأشخاص أو للمقدسات أو مهاجمة الأديان أو الذات الالهية. والابتعاد عن التحريض الطائفي والعنصري والشتائم.

ان كل ما يندرج ضمن تعليقات القرّاء لا يعبّر بأي شكل من الأشكال عن آراء اسرة مؤسسة وجريدة سفراء الالكترونية وهي تلزم بمضمونها كاتبها حصرياً.